மக்கள் கல்வி சீர்திருத்தங்களுக்கு அப்பால் பெரிய மாற்றங்களை எதிர்பார்க்கிறார்கள். பாடசாலைகளுக்கு இடையிலான இடைவெளி நீக்கப்பட வேண்டும், தனியார் பட்டதாரிகளை ஒழுங்குபடுத்துவதற்கான திட்டம் தேவை என கல்வி உயர்கல்வி மற்றும் தொழிற்கல்வி அமைச்சர் பிரதமர் கலாநிதி ஹரினி அமரசூரிய கூறினார்.
இந்த கருத்துக்கள் கல்வி, உயர்கல்வி மற்றும் தொழிற்கல்வி அமைச்சு, ஆசிய ஆசிரியர் மேம்பாட்டு மையம், தேசிய கல்வி ஆணைக்குழு மற்றும் அரச சார்பற்ற உயர்கல்வி துறையின் மூத்த அதிகாரிகளுடன் நடந்த கலந்துரையாடலின் போது வெளிப்பட்டது.
பள்ளிகளுக்கு இடையிலான இடைவெளியை குறைக்க வேண்டும் என்பதற்கான அவசியத்தை பிரதமர் வலியுறுத்தி இதை ஒரு வேலைக்கான நடவடிக்கையாக அல்ல தேசிய பொறுப்பாகக் கருத வேண்டும் என அதிகாரிகளை அறிவுறுத்தினார்.
பிரதமர் கலாநிதி ஹரிணி அமரசூரிய தேசிய கல்வி முகாமைத்துவ முறைமையின் முக்கியத்துவத்தை எடுத்துக்காட்டி நவீன தொழில்நுட்ப உலகத்துடன் இணைந்த எதிர்கால சந்ததியின் தேவையை நினைவூட்டினார்.
மோசடியான பட்டப்படிப்பு நிறுவனங்களில் இருந்து குழந்தைகளை பாதுகாப்பது அதற்கான சட்டக் கட்டமைப்பு மற்றும் அரசு சாரா உயர்கல்வி நிறுவனங்களின் தரம் ஆகியவற்றில் அவர் கவனம் செலுத்தினார்.
இந்த நிகழ்வில் கல்வி, உயர்கல்வி மற்றும் தொழிற்கல்வி அமைச்சின் செயலாளர் நாலக களுவெவ, மீபே தெற்காசிய ஆசிரியர் அபிவிருத்தி நிலையத்தின் பணிப்பாளர் நாயகம் கமல் பத்மசிறி, அரச சார்பற்ற உயர்கல்வி பிரிவின் மேலதிக செயலாளர் சந்திமா ஜானகி, தேசிய கல்வி ஆணைக்குழு தலைவி பத்மினி ரணவீர மற்றும் அந்த நிறுவனங்களின் உயர் அதிகாரிகள் கலந்து கொண்டனர்.