ஸ்பெயின் தற்போது அதன் வரலாற்றில் மிக மோசமான வெள்ளப் பேரழிவை சந்திக்கிறது. குறைந்தது 158 மீட்புப் பணியாளர்கள், ட்ரோன்களின் உதவியுடன், உயிர் பிழைத்தவர்களை தேடுகிறார்கள். நாட்டின் சில பகுதிகளில் மழை தொடர்ந்து பெய்து வருவதால், 1,200க்கும் மேற்பட்ட தொழிலாளர்கள் மீட்பு பணியில் ஈடுபட்டுள்ளனர். பாதிக்கப்பட்ட இடங்களை பார்வையிட்ட பிரதமர் பெட்ரோ சான்செஸ், உயிர்களை காப்பாற்றுவதில் முக்கியத்துவம் தர வேண்டும் என்று கூறினார். சில பேரழிவுக்குள்ளான நகரங்களில், சேறு மற்றும் குப்பைகளில் இருந்து உடல்களை மீட்க குடியிருப்பாளர்கள் உதவிக்கரமாக செயல்படுகிறார்கள்.
 |
| (Alberto Saiz / AP) |
ஸ்பெயினில் ஏற்பட்ட பேரழிவான வெள்ளத்தில், வலென்சியாவில் 155 பேர் உயிரிழந்துள்ளனர், காஸ்டில்லா-லா மஞ்சாவில் இரண்டு மற்றும் அண்டலூசியாவில் மற்றொரு உயிரிழப்பு பதிவாகியுள்ளது. வலென்சியாவின் பைபோர்டாவில், ஆறு வெள்ளத்தில் பெருக்கெடுத்து ஓடியதால், குறைந்தது 40 பேர் உயிரிழந்தனர். "இறந்த ஒருவரை நாங்கள் அனைவரும் அறிவோம்," என்று மருந்தாளர் மிகுவல் கெரில்லா தனது சேற்றால் மூடப்பட்ட கடைக்கு வெளியே நின்று கூறினார். தொழிலாளிகள் உடல்களை மீட்டுக் கொண்டுவருவதையும், சாலைகளில் வெள்ளத்தில் கார்கள் அடித்துச் செல்லப்பட்டதையும் தாம் கண்டதாக பிபிசி பதிவு செய்துள்ளது.
 |
| Pic: AP |
பலர் மரங்கள் மற்றும் பாலங்களில் ஏறி தப்பிச் செல்லும் போது, பெருகிய நீரில் சிக்கிய பயங்கரத்தை உயிர் பிழைத்தவர்கள் விவரித்தனர். பொதுமக்களின் உதவியுடன் மீட்பு பணிகள் தொடர்கின்றது. உயிரிழப்புக்கள் அதிகரிக்கலாம் எனவும் அஞ்சப்படுகிறது.